ဖေဖော်ဝါရီ ၂၇
ပြင်သစ်ယဉ်ကျေးမှုဌာနက ပြုလုပ်သည့် ၁၀ ကြိမ်မြောက် ရန်ကုန်ဓါတ်ပုံပွဲတော်တွင် ကချင်ပြည်နယ်မှ အမျိုးသမီးဓါတ်ပုံပညာရှင်နှစ်ဦးက ပထမဆုနှင့်စတုတ္ထဆုတို့ကို အသီးသီး ဆွတ်ခူးရရှိခဲ့ကြသည်။
ထိုရန်ကုန်ဓါတ်ပုံပွဲတော်တွင် ဓါတ်ပုံပညာရှင်အဆင့် (Professional Photographer Category 2018 for the best photo- story of the year) ပထမဆုကို ဇာတ်လမ်းအမည် (I Feel Safe)ဖြင့် မြစ်ကြီးနားသတင်းဂျာနယ်မှ အယ်ဒီတာချုပ်မဆိုင်းမိုင်ကရရှိခဲ့ပြီး တက်သစ်စ ဓာတ်ပုံပညာရှင်အဆင့်တွင် မြစ်ကြီးနားမြို့၊ ရွှေစက်စစ်ရှောင်စခန်းမှ ၉ နှစ်အရွယ် မသန်စွမ်းကလေးငယ် မဘောက်ဆိုင်းက “မြင့်သည်ထက်မြင့်” ဇာတ်လမ်းဖြင့် စတုတ်္ထဆုကို ဆွတ်ခူးရရှိခဲ့ခြင်း ဖြစ်သည်။
“ကချင်ပြည်နယ်မှာ ဖြစ်နေတဲ့ စစ်ပွဲတွေရဲ့ နောက်ကွယ်မှာ အမျိုးသမီးတွေ ဘယ်လိုကြိုးစားပါဝင်နေတယ်ဆိုတာ နိုင်ငံတကာက သိစေချင်လို့ ဒီစတိုရီကို ရိုက်ခဲ့တာပါ”ဟု မဆိုင်းမိုင်က ပြောသည်။
မဆိုင်းမိုင်သည် အဆိုပါ ဓာတ်ပုံဇာတ်လမ်းအတွက် မုန်းဆိုင်ယန်စစ်သင်တန်းကျောင်းသို့ သွားရောက်ရိုက်ကူးခဲ့ကြောင်း သိရသည်။
I Feel Safe ဓာတ်ပုံဇာတ်လမ်းတွင် ကေအိုင်အေတပ်ဖွဲ့မှ စစ်သမီးများ၏ ဘ၀အခြေအနေကို ရိုက်ကူးပုံဖော်ထားပြီး ထိုဇာတ်လမ်းကြောင့် ဓာတ်ပုံပညာရှင် ၁၀၀ ကျော်အနက်အကြီးတန်း ဓါတ်ပုံပညာရှင်အဆင့်ပထမဆုကို ရရှိခဲ့ခြင်းဖြစ်သည်။
ထိုကဲ့သို့ပင် မသန်စွမ်းကလေးငယ် မဘောက်ဆိုင်းကလည်း တက်သစ်စ ဓါတ်ပုံပညာရှင်အဆင့်တွင် သူမ၏ဘ၀ဇာတ်ကြောင်းကို ရိုက်ကူးပုံဖော်ကာပြိုင်ပွဲဝင်ခဲ့ရာ အထက်ပါအတိုင်း စတုတ္ထဆုကို ရရှိခဲ့ခြင်း ဖြစ်သည်။
ယင်းဓာတ်ပုံပွဲတော်အတွက် ဆုချီးမြှင့်ပွဲကို ယခုလ ၂၄ ရက်က ရန်ကုန်မြို့ရှိ ပြင်သစ်ယဉ်ကျေးမှုဋ္ဌာနတွင် ပြုလုပ်ခဲ့ကြောင်း၊ ထိုပွဲသို့ ၀င်ရောက်ယှဉ်ပြိုင်ခဲ့ကြသည့် ပြိုင်ပွဲဝင် ၁၀၀ ကျော်၏ ဓါတ်ပုံဇာတ်လမ်းများအနက် ဆန်ခါတင် ဓါတ်ပုံဇာတ်လမ်း ၁၆ ခုကို ရွေးချယ်ခဲ့ကြောင်း၊ ယင်းတို့အနက် ဆု ၉ ဆု ရွေးချယ်ပေးအပ်ခဲ့ခြင်းဖြစ်ကြောင်း သိရသည်။
မဆိုင်းမိုင်သည် ယခင်နှစ်ကလည်း အဆိုပါ ရန်ကုန်ဓာတ်ပုံပွဲတော်တွင် The Trap ခေါင်းစဉ်ဖြင့် မူးယစ်ဆေးဝါးကြောင့် ဒုက်္ခပေါင်းစုံ ခံစားနေရသည့် ကချင်ပြည်နယ်မှ အမျိုးသမီးများအကြောင်းကို ရိုက်ကူးပုံဖော်ခဲ့ရာ အငယ်တန်းအဆင့်တွင် ပထမဆုရရှိခဲ့ဖူးသည်။
စည်သူ(မြစ်ကြီးနား)
