မိုးညှင်း၊ ဧပြီ(၁)
ယနေ့ ကချင်ပြည်နယ်၊ မိုးညှင်းမြို့အောင်သပြေ (၃)ရပ်ကွက်အတွင်း စစ်ကောင်စီအားဆန့်ကျင်ဆန္ဒထုတ်ဖော်သည့် ဆိုင်ကယ်စီးသပိတ်မှ လူငယ် တစ်ဦးဖမ်းဆီးခံခဲ့ရကြောင်း သိရသည်။
ယင်း ဆိုင်ကယ်သပိတ်အား လိုက်လံဖမ်းဆီးရာတွင် အောင်သပြေရပ်ကွက်( ၃)နွေဦးကံ့ကော်အအေးဆိုင်အနီးတွင် လူငယ်တစ်ဦးဖမ်းဆီးခံရကြောင်းနှင့် လိုက်လံဖမ်းဆီးသူများသည် စစ်ကောင်စီဖက်မှ အရပ်ဝတ်စုံဝတ်ထားပြီး အိမ်စီးကားအဖြူရောင်နှင့်လိုက်လံဖမ်းဆီးခဲ့ကြောင်း တွေ့မြင်သူများက ပြောသည်။
“အဲ့ဒီ အဖမ်းခံရတဲ့ ကောင်လေးကပိန်ပိန်လေးပါ။ရိုက်နှက်ထိုးကြိတ်ကန်ကြောက်ပီး အရပ်ဝတ်ရဲတွေက သူတို့စီးလာတဲ့အိမ်စီးကားအဖြူရောင်ပေါ် ဖမ်းခေါ်သွားတာမြင်လိုက်ရတယ်” အဆိုပါနေရာတွင် ရှိနေသည့် မျက်မြင်တွေ့ရှိသူကပြောသည်။
မိုးညှင်းမြို့တွင် စစ်ကောင်စီအား ဆန့်ကျင်ဆန္ဒပြမူ့နှင့် ဖေဖော်ဝါရီလမှ မတ်နှင့် ယနေ့ ဧပြီလ(၁)ရက်နေ့အထိ ဖမ်းဆီးခံရသူ (၂၀)ကျော်အထိရှိပြီး သေဆုံးသူ(၃)ယောက်အထိရှိခဲ့သည်။
