ဧပြီ-၁၂
ဖားကန့်မြို့နယ်၊ အေးမြသာယာစုရပ် စုပေါင်းသပိတ်စစ်ကြောင်း အနေဖြင့် ယနေ့ ဧပြီလ (၁၂) ရက်နေ့က စစ်အာဏာရှင်ဆန့်ကျင်ရေး ဆက်လက် ဆန္ဒထုတ်ဖော်ခဲ့ကြသည်။
ယခုရက်ပိုင်း ဖားကန့်မြို့တွင်း သပိတ်လမ်းကြောင်းများအား ရဲနှင့်စစ်သားများမှ တားဆီးဖြိုခွင်းဖမ်းဆီးမှုများရှိနေသဖြင့် ထိပ်တိုက်တွေ့မှုကိုရှောင်ရှားပြီး အေးမြသာယာအုပ်စု မော်မောင်းလယန်၊တောင်ပြို၊ဗ.လ.ခမှော်ရွာများသို့ လူဦးရေ ၅၀၀ခန့်ဖြင့် စစ်အာဏာရှင်ဆန့်ကျင်ရေး ကြွေးကြော်သံများဖြင့် ငြိမ်းချမ်းစွာ စီတန်းလှည့်လည် ချီတက်ဆန္ဒပြခဲ့ကြသည်။
