နိုဝင်ဘာ၊၈
ကချင်ပြည်နယ်၊ ပန်ဝါမြို့မှာရှိတဲ့ ပြည်သူ့စစ်တပ်ဖွဲ့တွေရဲ့ ဗဟိုလက်နက်သိုလှောင်ရုံဟာ ဒီကနေ့ ညနေ ၆ နာရီဝန်းကျင်လောက်မှာ ပေါက်ကွဲပြီး မီးလောင်သွားတယ်လို့ သိရပါတယ်။
အဲဒီလက်နက်ရုံဟာဘာကြောင့် မီးစတင်လောင်ကျွမ်းသလဲဆိုတာကိုတော့ အတိအကျ မသိရသေးကြောင်း ပန်ဝါဒေသခံတစ်ဦးက ပြောပါတယ်။
“လက်နက်ရုံမီးလောင်တာဟုတ်တယ်။ သေနက်ကျည်သံ၊ ဗုံးသံတွေလည်း အရမ်းမြည်တယ်။ လက်နက်ရုံးမီးလောင်တာလို့ပြောတယ်။ “လို့ ဒေသခံက ဆိုပါတယ်။
နောက်ထပ်ဒေသခံတစ်ဦးကလည်း ပန်ဝါပြည်သူ့စစ်ရဲ့ လက်နက်သိုလောင်ရုံမီးလောင်တာ ဟုတ်မှန်ကြောင်း မြစ်ကြီးနားသတင်းဂျာနယ်ကို အတည်ပြုပြောပြပါတယ်။
အဲဒီလက်နက်ရုံဟာ ပန်ဝါမြို့ထဲက ဘုန်းကြီးကျောင်းအောက်၊ ပြည်သူ့စစ်ရုံဝင်းထဲမှာ ရှိတာဖြစ်တယ်လို့ သိရပါတယ်။
