ဇန်နဝါရီ၊၃
ဝိုင်းမော်မြို့နယ်၊ ကန်တော်ယန်ကျေးရွာအနီးက နာဖော့တောင်မှာ စစ်ကောင်စီရဲ့ ရဟတ်ယာဉ်တစ်စီးကို KIA ကနေ ပစ်ချခဲ့တယ်လို့ ကချင်လွတ်လပ်ရေးအဖွဲ့အစည်း (KIO/KIA) သတင်းနဲ့ပြန်ကြားရေးတာဝန်ခံ ဗိုလ်မှူးကြီးနော်ဘူက မြစ်ကြီးနားသတင်းဂျာနယ်ကို ပြောပါတယ်။
အဲဒီတောင်ကြောမှာရှိတဲ့ KIA ရဲ့ ရှေ့တန်းစခန်းကနေ ပစ်ချခဲ့တာဖြစ်ပြီး ဖြစ်စဉ်ကို အသေးစိတ်ပြောဆိုဖို့ ခက်ခဲနေသေးတယ်လို့ ဗိုလ်မှူးကြီးနော်ဘူက ဆိုပါတယ်။
” KIA တွေပစ်ချတာ ဟုတ်တယ်တဲ့။ ဒါပေမဲ့ အတိအကျကို အတည်ပြုပြောဖို့ ခက်တယ်။ ဘာလို့ဆို သူတို့ပစ်တဲ့ဘက်က ကွန်ဖမ်းမပေးသေးဘူး။ ပစ်တာက ရှေ့တန်းပိုစ့်တွေ ပစ်တာဟုတ်တယ်။ “ လို့ ဗိုလ်မှူးကြီးနော်ဘူက ဆိုပါတယ်။
ပျက်ကျခဲ့တဲ့အချိန်ဟာ မနက် ၁၂ နာရီ အချိန်လောက်မှာဖြစ်ပြီး တိုက်ပွဲဖြစ်ပွားတာလည်း မရှိတာကြောင့် ရိက္ခာလာပို့တဲ့ ရဟတ်ယာဉ်ဖြစ်တယ်လို့ ခန့်မှန်းရကြောင်းလည်း ဗိုလ်မှူးကြီးနော်ဘူက ဆက်လက်ပြောပါတယ်။
ရဟတ်ယာဉ် ပျက်ကျပြီးနောက် နမ်ဆန်ယန်ကျေးရွာနားအထိ စစ်ကောင်စီဘက်က ဂျက်ဖိုက်တာတွေ လာရောက်ပျံဝဲတာရှိခဲ့တယ်လို့ကြားသိရကြောင်းလည်း ဗိုလ်မှူးကြီးနော်ဘူက ဆိုပါတယ်။
ဓါတ်ပုံ- ပုံဟောင်းဖြစ်ပါသည်။
