ဇူလိုင်၊၄
ရွှေကူမြို့နယ် ဧရာဝတီမြစ်ရိုးတစ်လျှောက် မိုးသည်းထန်စွာ ပြန်လည် ရွာသွန်းနေတာကြောင့် ရေကြီးမှုတွေ ဖြစ်နေတယ်လို့ သိရပါတယ်။
ရွှေကူမြို့နယ်အတွင်း မိုးအဆက်မပြတ်ရွာသွန်းနေတာဟာ (၅) ရက်ခန့်ရှိပြီ ဖြစ်ပြီးတော့ မြစ်ရိုးတစ်လျှောက်ကျေးရွာများတွေမှာ ထပ်မံရေလွှမ်းမိုးနေပြီဖြစ်တယ်လို့ ဒေသခံတစ်ဦးက မြစ်ကြီးနား သတင်းဂျာနယ်ကို ပြောပါတယ်။
” ရေတွေကြီး မိုးတွေရွာ ဘယ်တော့မှ မပြတ် စိတ်ညစ်တာကြီး။ (၄), (၅) ရက်အတွင်းမှာပါ့အေ ရေတွေကြီး မိုးတွေရွာတယ်” လို့ ဒေသခံက ဆိုပါတယ်။
ဒေသခံတွေ အနေနဲ့ ရေးဘေးဒုက္ခကို ပြန်လည် ကြုံတွေ့နေရပေမယ့် အရင်ကလို ကူညီတဲ့ ပရဟိတအဖွဲ့အစည်းတွေ မရှိတော့တာကြောင့် အခက်အခဲတွေ ရှိနေတယ်လို့လည်း သိရပါတယ်။
ရွှေကူမြို့နယ်အတွင်း ပြီးခဲ့ ဇွန်လ လဆန်းပိုင်းလောက်ကလည်း ရေကြီးရေလျှံမှုတွေ ဖြစ်ပွါးခဲ့ပြီး စိုးရိမ်ရေအမှတ်ထိ ရောက်ရှိခဲ့တာကြောင့် မြေနိမ့်ပိုင်းနေ အိမ်ထောင်စုတွေဟာ နီးစပ်ရာ နေရာတွေကို ရွှေ့ပြောင်းခဲ့ရပါတယ်။
ပြီးခဲ့တဲ့ ဇွန်လအတွင်း ကချင်ပြည်နယ် အတွင်းရှိ ပူတာအို၊ ဖားကန့်၊ ကားမိုင်း၊ ရွှေကူ နဲ့ ဗန်းမော်မြို့တွေမှာ ရေကြီးရေလျှံမှုတွေ ရှိခဲ့ပြီး ဗန်းမော် မြို့ နဲ့ ရွှေကူမြို့တွေမှာတော့ စိုးရိမ်ရေအမှတ်ထိ ရောက်ရှိခဲ့ပါတယ်။
ပုံအဟောင်းအသုံးပြုထားပါသည်။
