ဓါတ်ပုံ- ဆယ်ဇင်းကျေးရွာနှင့် ဆက်သွယ်ထားသည့် စစ်ကိုင်းတိုင်းအစပ်က နမ့်ပုတ်ချောင်းကူးတံတား။ဇူလိုင်၁၈
ဖားကန့်မြို့နယ်၊ဟောင်းပါးကျေးရွာအုပ်စု ဆယ်ဇင်းကျေးရွာအနီး စစ်ကောင်စီဘက်ကနေ လေယာဉ်နဲ့ ဗုံးကြဲတိုက်ခိုက်နေတာကြောင့် ဒေသခံအချို့ ထွက်ပြေးတိမ်းရှောင် နေကြရတယ်လို့ နီးစပ်သူတစ်ဦးဆီကနေ သိရပါတယ်။
မနေ့က ဇူလိုင်လ (၁၇) ရက်နေ့ နံနက်ပိုင်းကနေ စပြီး ကချင်လွတ်လပ်ရေးတပ်မတော် KIA၊ ပြည်သူ့ကာကွယ်ရေးတပ်ဖွဲ့ (PDF) ပူးပေါင်းတပ်တွေနဲ့ ရှမ်းနီအမျိုးသားများတပ်မတော် (SNA) နဲ့ အတူ စစ်ကူရောက်လာတဲ့ စစ်ကောင်စီတို့ တိုက်ပွဲပြင်းထန်နေပြီး စစ်ကောင်စီဘက်ကနေ မနေ့က (၁၀) နာရီခန့်လောက်က ဂျက်ဖိုက်တာလေယာဉ် (၄) စီးနဲ့ ဗုံးကြဲခဲ့ပြီးတော့ ဒီကနေ့ ဇူလိုင်လ (၁၈) ရက်နေ့မှာလည်း ဗုံးကြဲ တိုက်ခိုက်နေတာ ဖြစ်တယ်လို့နီးစပ်သူက ဆိုပါတယ်။
” ခုထိပစ်နေတယ် လေယာဉ်နဲ့ ။ အရင်နေတဲ့ နေရာမှာတောင် နေလို့မရတော့ဘူး။ တိမ်းရှောင်နေရတယ်။ ဟုတ်တယ် ဒေသခံတွေ ဘယ်အိမ်ကျတာလည်းတောင် မသိဘူး။ လေယာဉ်နဲ့ ဗုံးကြဲပြီး မလွတ်တဲ့နေရာကသူတွေထွက်ပြေးနေတယ်။ ” လို့ နီးစပ်သူက ဆိုပါတယ်။
မနေ့က တိုက်ပွဲမှာ စစ်ကောင်စီဘက်က အများအပြား သေဆုံးနိုင်ပြီး စစ်ကောင်စီကနေ လေယာဉ်နဲ့ ဗုံးကြဲတိုက်ခိုက်ခဲ့တာကြောင့် ဒေသခံပြည်သူ (၄) ယောက်ခန့်သေဆုံးပြီးတော့ KIA ဘက်ကလည်း သေဆုံးသူရှိတယ်လို့နီးစပ်သူဆီက ဆိုပါတယ်
ဆယ်ဇင်းကျေးရွာဟာ အိမ်ခြေ (၄၀၀)လောက်ရှိတဲ့ ကျေးရွာ ဖြစ်ပြီး လက်ရှိမှာတော့ ကျေးရွာကို သွားတဲ့လမ်းတွေအကုန် ပိတ်ထားတယ်လို့လည်း သိရပါတယ်။
ဓါတ်ပုံ– ဆယ်ဇင်းကျေးရွာနှင့် ဆက်သွယ်ထားသည့် စစ်ကိုင်းတိုင်းအစပ်က နမ့်ပုတ်ချောင်းကူးတံတား။
