တုတ်ထိုး- ပုဂ္ဂလောပုရိသာဇညော၊နသောသဗ္ဗတ္ထဇယတိ၊
ယတ္တသောဇယတေပေါသော၊တံကုလံသုခမေဓတိ။
ယောကျားအာဇာနည်ဟူသည်နေရာဒေသတိုင်း၌အခါ
ခပ်သိမ်းမပေါ်ပေါက်။အကြင်အရပ်၊အကြင်နိုင်ငံ၌
မတစ်ထောင်တစ်ကောင်ဖွားအာဇာနည်ပေါ်ပေါက်ခဲ့သော်
ထိုဒေသ၊ထိုနိုင်ငံမျိုးတို့မှာအဖိုးတန်အကျိုးအနန္တခံစား
ရလေသည်။
အိုးပေါက်- သာဓု၊သာဓု၊သာဓု။မှတ်သားထိုက်ပါပေတယ်။
ဗဟုသုတပြည့်ဝလှပါပေတယ်။
တုတ်ထိုး- သိပ်အထင်ကြီးမနေနဲ့၊အာဇာနည်နေ့ရောက်
ခဲ့ပြီဆိုတော့စကားဝိုင်းထဲထည့်ပြောဖို့အလွတ်ကျက်လာခဲ့
တာ။ဟဲဟဲဟဲ။
အိုးပေါက်- ထင်တော့ထင်သားပဲ။အလွတ်ကျက်ခဲ့တဲ့
လေသံပါလို့။
တုတ်ထိုး- အာဇာနည်ဆိုတာလွယ်လွယ်နဲ့ဖြစ်မလာဘူးဗျ။
အိုးပေါက်- သေရဲ၊သတ်ရဲ၊တိုက်ရဲတိုင်းအာဇာနည်မဖြစ်
ပါဘူး။လက်ထဲမှာလက်နက်ရှိတိုင်းလည်းအာဇာနည်မဖြစ်
ပါဘူး။သေနတ်ဒဏ်ရာရှိတိုင်းလည်း အာဇာနည်မဖြစ်ကြ
ပါဘူး။
တုတ်ထိုး- ဟဲ့ဟဲ့သေနတ်တွေ၊ဒဏ်ရာတွေကဘာလို့
ပါလာရတာတုံး။
အိုးပေါက်- တချို့တွေကတိုက်ပွဲမှာရတဲ့ဒဏ်ရာတွေကို
ပြပြပြီးအာဇာနည်ယောကကျားလိုလိုဘာလိုလိုြွကားလုံး
ထုတ်တတ်ကြလို့ပါဗျ။
တုတ်ထိုး- တိုင်းရင်းသားအချင်းချင်းသတ်ကြဖြတ်ကြ
အပွင့်တွေရကြ၊ရာထူးတွေတိုးကြ။ဒါမျိုးကိုတော့ဘယ်သူ့
ကိုဖြစ်ဖြစ်အာဇာနည်အဖြစ်မဆိုထိုက်၊မခေါ်ထိုက်ပါဘူး
ဗျာ။
အိုးပေါက်- ဒီကောင်တွေကိုအာခေါင်ကျယ်လို့သာခေါ်
လိုက်ပါတော့။
တုတ်ထိုး- အာဇာနည်ဆိုတာအကြောင်းဟုတ်မဟုတ်ကို
ကောင်းစွာသိသူ။သာမန်ထက်၊နှလုံးရည်ထူးကဲသာလွန်၍
အများအကျိုးအတွက်သက်စွန့်ကြိုးပမ်းဆောင်ရွက်သူလို့
မြန်မာဝေါဟာရအဘိဓာန်မှာဖွင့်ဆိုထားတယ်ဗျ။
အိုးပေါက်- အင်း၊လင်းစမ်းပါဦးဗျာ။
တုတ်ထိုး- ပါဠိလိုတော့အာဇာနေယျပေါ့။အာဇာနေယျ
ကနေဆင်းသက်လာပြီးအာဇာနည်လို့ဖြစ်လာတာပါ။
အာဇာနည်(၆) မျိုးရှိသတဲ့။ခြင်္သေ့အာဇာနည်၊ဆင်အာဇာ
နည်၊မြင်းအာဇာနည်၊နွားလားအာဇာနည်၊ယေကျာ်း
အာဇာနည်၊ရဟန္တာပုဂ္ဂိုလ်အာဇာနည်။အဲ့ဒီ(၆) မျိုးတဲ့ဗျ။
အိုးပေါက်- ဗိုလ်ချုပ်အောင်ဆန်းကတော့ပြောဖူးတယ်။
လူတွေဟာသွေးပူတုန်းသာသေရဲတာ၊သွေးအေးတဲ့အခါ
မသေရဲဘူး။ကျွန်တော်ကတော့သွေးပူနေတဲ့အခါလည်း
သေရဲတယ်။သွေးအေးနေတဲ့အခါလည်းသေရဲတယ်။
သွေးအေးနေတဲ့အခါသေရဲအောင်အတော်ကျင့်ခဲ့ရတယ်။
နိုင်ငံရေးနယ်ထဲမဝင်ခင်နှစ်နှစ်လုံးလုံးကျင့်ပြီးမှဒီနိုင်ငံရေး
နယ်ပယ်ထဲဝင်ခဲ့တာပဲတဲ့။
တုတ်ထိုး- သမိုင်းတွေထဲကျုပ်လည်းဖတ်ခဲ့ဖူးပါတယ်။အဲ့ဒီ
စကားတွေက၁၉၄၆လောက်ကလွပ်လပ်ရေးအတွက်
နယ်လှည့်ခရီးဆန့်ရင်းဗိုလ်ချုပ်အောင်ဆန်းကသတင်းစာ
ဆရာဦးပုကလေးကိုပြောခဲ့တဲ့စကားတွေပါပဲ။
အိုးပေါက်- စံပြုထိုက်တဲ့ခေါင်းဆောင်စံပြုထိုက်တဲ့အာဇာ
နည်စိတ်ဓာတ်ပါပဲဗျာ။
တုတ်ထိုး- ခေါင်းဆောင်ဆိုလို့ဗျ။ခေါင်းဆောင်ကောင်းရင်
တိုင်းပြည်ဖွံ့ဖြိုးတိုးတက်မှာဖြစ်ပြီးခေါင်းဆောင်မှုညံ့ဖျင်း
ရင်တိုင်းပြည်အတွက်ဆုံးရှုံးနစ်နာနိုင်ကြောင်းတပ်မတော်
ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်က
စစ်တက္ကသိုလ်ဘွဲ့နှင်းသဘင်ခန်းမမှာပြုလုပ်တဲ့အခမ်း
အနားတစ်ခုမှာပြောသွားခဲ့တယ်ဗျ။
အိုးပေါက်- ဒါပဲလားဗျ။
တုတ်ထိုး- သူပြောတဲ့အထဲမှာဘာတွေပါသေးလဲဆိုတော့
စစ်ဘက်ခေါင်းဆောင်တွေရဲ့အခန်းကဏ္ဍဟာအရေးကြီး
လို့စစ်ကျောင်းကြီးများအသီးသီးကလက်ရုံးရည်၊နှလုံးရည်နဲ့
ပြည့်ဝတဲ့ပညာရပ်ဆိုင်ရာတွေမှာကျွမ်းကျင်တဲ့ခေါင်း
ဆောင်တွေမွေးထုတ်ပေးဖို့လိုတယ်တဲ့။
အိုးပေါက်- အင်း။အဟမ်း၊အဟမ်း။
တုတ်ထိုး- ခေါင်းဆောင်မှုဆိုတာအသက်အရွယ်နဲ့
မဆိုင်ဘဲစဉ်းစားဆုံးဖြတ်နိုင်စွမ်းနဲ့တွေးခေါ်မြော်မြင်မှုကို
အခြေခံပါတယ်တဲ့။ခေါင်းဆောင်ကောင်းရင်တိုးတက်မယ်။
ခေါင်းဆောင်ညံ့ရင်ဆုံးရှုံးမယ်။နိုင်ငံ့ခေါင်းဆောင်မှုအပိုင်း
မှာလည်းခေါင်းဆောင်ကောင်းရင်တိုင်းပြည်ဖွံ့ဖြိုးတိုးတက်
မယ်တဲ့။
အိုးပေါက်- အဟမ်း။အဟမ်း။
တုတ်ထိုး- ဘာဖြစ်တာတုန်း။
အိုးပေါက်- ချောင်းဆိုးတာပါဗျ။စကားပြောမို့ခံတွင်းရှင်း
နေတာပါဗျ။
တုတ်ထိုး- ပြောဗျာ။
အိုးပေါက်- ခေါင်းဆောင်တွေကောင်းသလား၊မကောင်း
ဘူးလား။ခေါင်းဆောင်တွေညံ့သလား၊မညံ့ဘူးလားတော့
မသိဘူး။ကျုပ်တို့တိုင်းပြည်ကြီးမှာအုပ်ချုပ်သွားတဲ့ခေါင်း
ဆောင်တွေတော့ကြီးပွားသွားကြပါတယ်။ဖွံ့ဖြိုးတိုးတက်
သွားကြပါတယ်ဗျ။ပြည်သူတွေမှာတော့အရင်ကကိုယ်က
ပေးခဲ့ကမ်းခဲ့ကြဖူးတဲ့အီသီယိုးပီးယားလိုနိုင်ငံလေးကို
တောင်ငေးကြည့်နေရတာပါပဲ။
တုတ်ထိုး- ကာတွန်းဖောင်းဖောင်းရဲ့ကာတွန်းအတွေးလေး
တစ်ခုသတိရမိတယ်။
အိုးပေါက်- ဘာတဲ့။
တုတ်ထိုး- ကာတွန်းမှာလူတစ်ယောက်မျက်မှန်နဲ့ခေါင်း
ပေါင်းနဲ့။အစိမ်းရောင်အင်္ကျီကြီးဝတ်ထားတယ်။ပြီးတော့
ရွှေထုပ်တွေငွေထုပ်တွေကြားထဲကနေသူကပြောနေတယ်။
အိုးပေါက်- ပြည်သူတွေအတွက်ဒီရွှေတွေငွေတွေလှူပါ
မယ်တဲ့လား။
တုတ်ထိုး- အဲ့ဒီလိုမပြောဘူး။သူပြောတာက..။
အိုးပေါက်- …။
တုတ်ထိုး- ကျုပ်တို့ကောင်းမယ်ထင်လို့လုပ်ခဲ့ရာကနေ
တိုင်းပြည်ကြီးဆင်းရဲသွားတာပါတဲ့။
အိုးပေါက်- သူတို့ကောင်းဖို့လုပ်သွားတာကိုး။သူတို့တော့
ကောင်းစားသွားကြတယ်။ပြည်သူကဆင်းရဲသွားကြတယ်။
တုတ်ထိုး- ဒီလိုလူစားတွေကတော့တစ်သက်လုံးအာဇာ
နည်ဖြစ်မှာမဟုတ်ဘူး။
အိုးပေါက်- ကျုပ်ကြားဖူးတာတစ်ခုရှိတယ်။ရဲသား
တစ်ယောက်ရေနစ်သတဲ့။ကယ်ပါကယ်ပါလို့အော်တာ
ပေါ့။အဲ့ဒီအချိန်လူတစ်ယောက်ကလာပြီးကယ်တယ်။
လှေပေါ်ကနေလှမ်းပြောတယ်။လက်ပေးလက်ပေးတဲ့။
အဲ့ဒီရဲကလက်မပေးဘူးတဲ့။သေချင်သေလက်မပေးဘူး
ဆိုပြီးနေသတဲ့။ဒီတော့ကယ်ဆယ်ရေးသမားကလည်း
ပြန်ပြောတယ်။ကျုပ်လက်ကိုယူပါ၊ကျုပ်လက်ကိုယူပါတဲ့။
ဒီတော့မှရဲကသူ့လက်ကိုလှမ်းပြီးဆွဲယူလိုက်သတဲ့။
တုတ်ထိုး- ပြန်ပြောစမ်း၊ပြန်ပြောစမ်း။ကြည်ညိုစမ်း။
ကြည်ညိုစမ်း။
အိုးပေါက်- ကျုပ်ကချီကာဂိုနိုင်ငံမှာဖြစ်ခဲ့ဖူးတဲ့အကြောင်း
အရာတစ်ခုကိုပြောပြတာပါဗျာ။မြန်မာနိုင်ငံရဲတပ်ဖွဲ့ကို
တော့ကြည်ညိုပါတယ်ခင်ဗျ။ Ha Ha လေးသောင်းကျော်
ကိုလည်းမြန်မာနိုင်ငံရဲတပ်ဖွဲ့ကိုပေးတဲ့အထဲ အိုးပေါက်တို့
မပါပါဘူးခင်ဗျ။ကူညီပါရစေလို့ပြောတဲ့ပြည်သူ့ရဲဘော်
ကောင်းတွေကိုတော့ကြည်ညိုပါတယ်ခင်ဗျ။
တုတ်ထိုး- ပြည်သူ့ရဲဘော်ကောင်းတွေကိုတော့ကြည်ညို
ပါတယ်ဆိုတော့မကောင်းတဲ့ရဲလည်းရှိတယ်လို့ပြောတာ
လား။
အိုးပေါက်- ရဲလည်းပုထုဇဉ်ပါပဲ။
တုတ်ထိုး- ဠငခအသမငေအမှုမှာတော့ကိုလှရွှေတို့တော်တော်
အဝေဖန်ခံနေရပါတယ်။ဒီအမှုမှန်ပေါ်ပေါက်ရေးအတွက်
ကြိုးပမ်းနေတဲ့သက္ကမိုးညိုဆိုသူကိုလည်းဖမ်းဆီးထားတယ်။
အာမခံတော့ပေးထားလိုက်တယ်။ရဲတပ်ဖွဲ့ဂုဏ်သိက္ခာ
ညှိုးနွမ်းစေတယ်ဆိုပြီးတော့အမှုဖွင့်ထားတယ်။
အိုးပေါက်- ကျုပ်တို့တော့ဘာဂုဏ်သိက္ခာမှမရှိတော့ဂုဏ်
သိက္ခာကျစရာဘာမှမရှိဘူး။ဟဲဟဲဟဲ။
တုတ်ထိုး- ခင်ဗျားကဂုဏ်သိက္ခာလို့ထည့်ပြောရအောင်
ခင်ဗျားမှာကဂုဏ်သိက္ခာမှမရှိဘဲ။သိက္ခာရှိမှသိက္ခာကျ
တာပါ။သိက္ခာမရှိဘဲသိက္ခာကျစရာမှမရှိတာ။ဟဲဟဲဟဲ။
တုတ်ထိုး- ရွဲ့ပြောနေသလိုပဲနော်။
အိုးပေါက်- ဒါနဲ့ဆရာမမေသင်္ကြန်ဟိန်း(မြစ်မခ) ရဲ့
၂၀ဝ၈ဖွဲ့စည်းပုံအခြခံဥပဒေကိုဘာကြောင့်ပြင်သင့်
တာလဲဆိုတဲ့စာအုပ်လေးဖတ်ကြည့်ပြီးပြီလား။ကျုပ်တို့
နဲ့သဘောထားတိုက်ဆိုင်တာတွေပါတယ်။
တုတ်ထိုး- ဘာတွေထည့်ရေးထားတာတုန်း။ဘာတွေ
ပြင်ရမှာတဲ့တုန်း။
အိုးပေါက်- အခန်း(၁) ပုဒ်မ(၈)မှာနိုင်ငံတော်ကိုပြန်
ထောင်စုစနစ်ဖြင့်ဖွဲ့စည်းတည်ဆောက်သည်လို့ဖော်ပြ
ထားပါတယ်တဲ့။အမှန်တကယ်တော့ဖက်ဒရယ်ပြည်
ထောင်စုစနစ်လို့ပြင်ဆင်သင့်တာပါတဲ့။
တုတ်ထိုး- ဒါပေါ့ဗျာ။တိုင်းရင်းသားပေါင်းစုံနဲ့ဖွဲ့စည်း
တည်ဆောက်ထားတဲ့မြန်မာနိုင်ငံတော်အနေနဲ့
ဖက်ဒရယ်ပြည်ထောင်စုဖြစ်သင့်တာပေါ့။ဒါမှသာ
တိုင်းရင်းသားတွေအနေနဲ့တန်းတူညီမျှမှုအခွင့်အရေး
အတွက်အာမခံပြီးသားဖြစ်မှာပေါ့။
အိုးပေါက်- စကားလုံးတွေကလည်းသိပ်အရေးကြီး
တယ်နော်။
တုတ်ထိုး- အခန်း(၁) ပုဒ်မ၁၄မှာပြည်ထောင်စုလွှတ်
တော်၊တိုင်းဒေသကြီးလွှတ်တော်နှင့်ပြည်နယ်လွှတ်
တော်များတွင်ကိုယ်စားလှယ်များအဖြစ်ဖွဲ့စည်းတည်
ဆောက်ပုံအခြေခံဥပဒေအရသတ်မှတ်သည့်ဦးရေ
အတိုင်းတပ်မတော်ကာကွယ်ရေးဦးစီးချုပ်ကအမည်
စာရင်းတင်သွင်းသည့်တပ်မတော်သားများပါဝင်သည်
လို့ရေးထားတယ်။
အိုးပေါက်- ဒီမိုကရေစီစနစ်မှာတော့ဒါကမဖြစ်သင့်
ဘူးဗျ။ပြည်သူလူထုကရွေးကောက်ပွဲမှာမဲပေးပြီး
တင်မြှောက်လိုက်တဲ့ကိုယ်စားလှယ်တွေကသာလွှတ်
တော်တက်ပြီးဆွေးနွေးရတာပါဗျ။ခုတော့တပ်မတော်
ကာကွယ်ရေးဦးစီးချုပ်ကရွေးချယ်ပေးတဲ့ကိုယ်စားလှယ်
တွေကိုတည့်သွင်းတယ်ဆိုတော့ကျော်လို့မကောင်း၊
ကြားလို့မကောင်းဗျာ။ပြည်သူလူထုရွေးချယ်ခွင့်တွေ
ဘယ်ရောက်သွားလဲ။ဘယ်မှာလဲဒီမိုကရေစီ။ဒါဟာ
ပြည်သူလူထုကိုယ်စားဆောင်ရွက်မယ့်သူတွေကိုလျော့
ပါးသွားစေတာပဲ။ပြင်ဗျာ။၂၀ဝ၈ဖွဲ့စည်းပုံကိုပြင်ဗျာ။
ဖြစ်နိုင်ရင်အဖုံးကစပြီးပြင်လိုက်ပါတော့ဗျာ။
တုတ်ထိုး- နိုင်ငံရေးမှာပြည်သူတွေပါဝင်ခွင့်အခွင့်
အရေးကိုထိပါးရာရောက်ပါတယ်ဗျ။ဒီမိုကရေစီအခွင့်
အရေးကိုထိခိုက်ပါတယ်ဗျ။
အိုးပေါက်- ကဲဗျာ၊စကားလည်းပြောကောင်းပါရဲ့၊
အချိန်လည်းလင့်နေပြီမို့ဒီနေ့တော့ဒီမှာပဲနားလိုက်
ကြပါစို့ရဲ့။
တုတ်ထိုး- ၂၀ဝ၈ဖွဲ့စည်းပုံပြင်ဆင်ရေးအတွက်စကား
ပြောလို့ကောင်းနေတုန်းဟာကို။တန်းလန်းကြီးဗျာ။
အိုးပေါက်- ဒီမယ်မသေမချင်းမှတ်ထား။ကျုပ်တို့
မြန်မာနိုင်ငံတော်ကြီးမှာ၂၀ဝ၈ဖွဲ့စည်းပုံပြင်ဆင်ရေးတို့၊
ငြိမ်းချမ်းရေးတို့ဆိုတဲ့စကားလုံးတွေဟာနောင်ဘုရား
ပွင့်တဲ့အထိပြောလို့ရနေဦးမှာပဲဗျ။စိတ်ချစိတ်ချ။
တစ်သက်လုံးဒီစကားတွေအမုန်းခံ၊အဖမ်းခံပြောလို့
ရနိုင်ပါတယ်။