မတ် ၁၁
ဖားကန့် မြို့နယ် ဆယ်ဇင်း ကျေးရွာ KIA တပ်မဟာ ၉ တပ်ရင်း ၂၆ တပ်ဖွဲ့ မှ တပ်မတော် ၏ အနီးစခန်း တစ်ခုကို တိုက်ခိုက် သိမ်းယူ ခဲ့ကြောင်း သိရသည်။
” အခုမနက် အစောပိုင်းမှာ သိမ်းနိုင်ခဲ့ပြီ သိမ်းပြီး ပြန်လာခဲ့တယ်။” ဟု KIO/ KIA သတင်းနှင့် ပြန်ကြား ရေးတာ၀န်ခံ ဗိုလ်ဗှူး ကြီးနော်ဘူက မြစ်ကြီးနားသတင်းဂျာနယ်သို့ ပြောသည်။
ယခုလို တိုက်ပွဲများဖြစ်ပွားသည့် အပေါ် KIO ဗဟိုဌာနချုပ်က ညွှန်ကြားထားခြင်းမရှိ သော်လည်း KIA တပ်မဟာ ၄ ရှမ်း မြောက်တွင်လည်း အစိုးရ တပ်ဘက်က နေ့စဉ်ထိုးစစ်ဆင်ပြီးတိုက်ပွဲများ ဖြစ်ပွားနေခြင်းKIA ရှေ့တန်းတပ်ဖွဲ့ များအနေဖြင့် နေရာတိုင်းမှာ ပစ်ခတ်နိုင် ကြောင်း သိရသည်။
” KIO ဗဟိုဌာနချုပ်ကနေ အစိုးရတပ်စခန်း တွေကို ပစ်ခတ်ဖို့ ၊ မြို့ထဲ၀င်ပြီး ပစ်ခတ်ဖို့ ညွှန်ကြားတာမရှိဘူး။ စစ်ဗျူဟာမှူးတွေ ဘယ်လိုဖြစ်တာလဲ တော့မသိဘူး၊ ကျွန်တော်သို့ KIA တွေနဲ့ ထိတွေ့ပြီး ရင်ဆိုင်တိုက်ပွဲတွေလည်း ဖြစ်နိုင်တယ်” ဟု ဗိုလ်မှူးကြီးနော်ဘူက ဆက် ပြောသည်။
ယနေ့ နံနက်ပိုင်းတွင် ဆယ်ဇင်း နှင့် တာမခန်လမ်းကြားမှ တပ်မတော်ဘက်မှလာသည့် စစ်ကူများကိုလည်း ပစ်ခတ်ခဲ့ကြောင်းသိရသည်။
