******************
ဇွန်၊၁၃
ကချင်ပြည်နယ်၊ ဖားကန့်မြို့က ကျောက်ဝိုင်းနေရာတွေမှာ ရေကြီးရေလျှံမှုတွေ ဖြစ်လာတာကြောင့် ဇွန်လ(၁၁)ရက်နေ့က စပြီး ရပ်နားထားတယ်လို့ သိရပါတယ်။
လက်ရှိ မိုးအဆက်မပြတ် ရွာသွန်းနေတာကြောင့် ရပ်ကွက်အချို့ ရေကြီးရေလျှံဖြစ်နေတာသာမက ဖားကန့်ကျောက်ဝိုင်းနဲ့ လုံးခင်းကျောက်ဝိုင်း အထိပါ ရေရောက်ရှိလာတာကြောင့် ကျောက် ရောင်း၊ ဝယ်တာတွေ ရပ်နားထားကြတယ်လို့ ဒေသခံတစ်ဦးကညမြစ်ကြီးနားသတင်းဂျာနယ်ကို ပြောပါတယ်။
“ကျောက်ဝိုင်း လုပ်တဲ့နေရာ ရေကြီးတော့။ ကျောက်အရောင်း အဝယ်တွေ ရပ််ထားတာပေါ့။ မရှီကထောင် ကြိုးတံတားရော မြုပ်တယ်”လို့ သူက ပြောပါတယ်။
အခုရက်ပိုင်း မိုးများလာတာကြောင့် ဥရုချောင်း ရေကြီး ရေလျှံဖြစ်ပြီး ဖားကန့်မြို့ပေါ်က ရပ််ကွက်ရပ်အချို့ဟာ ရေဘေးအန္တရာယ်နဲ့ ရင်ဆိုင်နေကြရပါတယ်။
ရေဘေးသင့် ပြည်သူတွေကို လူမှု ကူညီရေးအသင်းတွေနဲ့ ပြည်သူတွေ စုပေါင်းပြီး ကူညီဆောင်ရွက်မှုတွေ လုပ်ပေးနေတယ်လို့လည်း သိရပါတယ်။
အထက်ပါ ဒေသခံရဲ့ ပြောပြချက်အရ လက်ရှိ ရေဘေးသင့်နေတဲ့ အိမ်ခြေ ရာကြီးဂဏာန်းလောက် ရှိနိုင်တယ်လို့လည်း ဆိုပါတယ်။
