မတ်၊၁၅
မြစ်ဆုံအထက်ပိုင်း အင်ဂျန်းယာန်မြို့နယ်၊ ဂွေထော်ကျေးရွာတွင် တပ်မတော်နှင့် KIA တို့တိုက်ပွဲဖြစ်ပွားနေကြောင်း သိရသည်။
အဆိုပါတိုက်ပွဲသည် ယနေ့ညနေပိုင်း (၅)နာရီ(၁၅) မိနစ်ခန့်တွင် စတင်ဖြစ်ပွားခဲ့ကြောင်း တန်ဖရဲကျေးရွာ ဒေသခံတစ်ဦးကပြောသည်။
တိုက်ပွဲကြောင့် တန်ဖရဲ ကက်သလစ်ဘုရားကျောင်း၀င်းသို့ လာရောက်စစ်ရှောင်သည့် ပြည်သူ (၅၀)ကျော်ရှိနေကြောင်း အသင်းတော်မှ တာ၀န်ရှိသူတစ်ဦး၏ ပြောပြချက်အရ သိရသည်။
” တန်ဖရဲဂိတ်က ဗိုလ်ကြီးကို ဖုန်းဆက်တော့ မပိတ်ဘူး အခုတော့လို့ပြောတယ်။ တစ်ချို့က ဆင်းသွားပြီ။ တစ်ချို့က ကျောင်း၀င်းမှာပဲ၊ တစ်ချို့က ကျေးရွာက ဘုရားကျောင်း၀င်းထဲတွေမှာ ရှောင်နေကြတယ်။” ဟု ၎င်းကပြောသည်။
မြစ်ဆုံတဖက်ကမ်း မလိယာန်ဘက်သို့ အခင်းသွားရောက်လုပ်ကိုင်သည့် ပြည်သူအချို့က ဝိုင်းမော်မြို့နယ်ဘက်တွင် စစ်ရှောင်နေကြောင်း သိရသည်။
ဧရာ၀တီမြစ် မြစ်ဆုံအထက်ပိုင်းသည် KIA ၏ တပ်မဟာ-၁ တပ်ရင်း(၄/၇/၁၀/၂၂)၊ တပ်မဟာ-၇ တပ်ရင်း(၃၂/ ၃၃/၄၆) တို့အခြေချထားသည့် နေရာဖြစ်ကြောင်းလည်း သိရသည်။
