“ဘယ်သူတွေက ဘာပြောနေနေ
မင်းကိုမင်းချစ်ရင် ပညာသင်ပါ။ စာဖတ်ပါ။
မိဘကိုချစ်ရင် ပညာသင်ပါ။ စာဖတ်ပါ။
တိုင်းပြည်နဲ့လူမျိုးကို ချစ်ရင်ပညာသင်ပါ။ စာဖတ်ပါ။”
ဆရာအောင်သင်း
******
အထက်ပါစကားတွေက ဆရာကြီးဦးအောင်သင်းရဲ့ စကားတွေပါ။ ပညာသင်ဖို့၊ စာဖတ်ဖို့။
တိုင်းပြည်နဲ့လူမျိုးအတွက်ပညာသင်ဖို့၊ စာဖတ်ဖို့။
လူငယ်တွေစာဖတ်ဖို့ တိုက်တွန်းတဲ့ဆောင်းပါးတွေ ကျွန်တော်ရေးခဲ့ဖူးပါတယ်။
အခုလည်း စာဖတ်ဖို့ ကျွန်တော်ရေးနေမိတာပါပဲ။ ပြီးတော့ ကျေးလက်ဒေသတွေမှာ စာကြည့်တိုက်တွေ ဖွံ့ဖြိုးဖို့ရေးမိတာပါပဲ။
ပြီးခဲ့တဲ့ နွေတုန်းက ခရီးရက်ရှည်ထွက်ဖြစ်ပါတယ်။ ဧရာဝတီတိုင်းဒေသကြီး မြောင်းမြမြို့နယ်ထဲက ၀ဲကလေးဆိုတဲ့ရွာလေးတစ်ရွာ ဖြစ်ပါတယ်။အိမ်သူရဲ့ အမျိုးတွေရှိတဲ့ ရွာလေး။ ရွာကလေးက ဧရာဝတီမြစ်ရဲ့ အနောက်ဘက်ကမ်းပေါ်မှာ တည်ရှိပါတယ်။
ဝဲကလေးအထိ ကားလမ်းမပေါက်ပါ။ မြောင်းမြရောက်တော့ မြောင်းမြကနေ ဆိုင်ကယ်ကယ်ရီတွေနဲ့ အမျိုးတွေက လာကြိုကြပါတယ်။
မြောင်းမြကနေ စက်လှေနဲ့၊ ဒါမှမဟုတ် သင်္ဘောနဲ့ နှစ်နာရီကျော်သုံးနာရီသွားလည်း ရပါသတဲ့။ အခု ဆိုင်ကယ်နဲ့ဆိုတော့ တစ်နာရီကျော်ပဲ မောင်းရပါတယ်။ ဒါပေမဲ့ ၀ဲကလေးကိုမရောက်သေးပါဘူး။ စက်လှေနဲ့ပြန်ပြီး ၀ဲကလေးရွာဘက်ဆက်ကူးရပြန်ပါတယ်။ စက်လှေနဲ့ကူးတော့ သိပ်မကြာပါဘူး။ ငါးမိနစ်လောက်လေးပဲကြာပါတယ်။ ဟိုဘက်ကမ်းကိုလှမ်းခေါ်လိုက်ရင် ကြားနိုင်လောက်တဲ့ အကွာအဝေးမှာရှိပါတယ်။
မြစ်က ဧရာဝတီမြစ်။ ပင်လယ်နဲ့နီးတဲ့ဧရာဝတီ။ ဒီနေရာမှာတော့ မြစ်က ကျဉ်းပါတယ်။ရေက အတန်ငယ်နောက်ပါတယ်။ ပင်လယ်နဲ့နီးတော့ ရေငန်တွေ ၀င်ပါသတဲ့။ တပေါင်းအကုန်၊ တန်ခူးအချိန်အခါတွေဆို ရေငန်တွေဝင်တတ်လို့အဲဒီအချိန်အခါမှာ မရိတ်သိမ်းရသေးတဲ့ လယ်တွေဆို ပျက်စီးတတ်ပါသတဲ့။ ရေငန်ဝင်တဲ့စပါးဆို လူမပြောနဲ့ ကျွဲတွေ၊နွားတွေတောင် မစားဘူးလို့ရွာခံတစ်ယောက်က ပြောပြလို့ သိရပါတယ်။
ရွာကလေးက ကျွန်းကလေးတစ်ခုပေါ်မှာ ရောက်နေသလိုမျိုး။ ဓနိတွေ၊ ၀ါးပင်တွေပေါလှတယ်။ ခရာဆူးခြုံတွေပေါတယ်။ ရေငန်စပ်လေးတွေမှာ ငါးဖျံကလေးတွေ လွှားခနဲလွှားခနဲ။ ငါးဖျံလေးတွေ စားလို့ရသလားဆိုတော့ မစားကြဘူးတဲ့။ ငါးဖျံကလေးတွေကိုဖမ်း၊ ပြီးတော့ မီးကင်ပြီးတော့ကြောင်စာအဖြစ် ကျွေးကြပါသတဲ့။
ဓနိလုပ်ငန်း၊ လယ်ယာလုပ်ငန်းတွေနဲ့ အသက်မွေးဝမ်းကျောင်းပြုကြတယ်။ လူငယ်တွေကတော့ ဆိုင်ကယ်ကယ်ရီလုပ်ငန်းနဲ့ ရပ်ဓလေ့ရွာဓလေ့စည်လို့ဝေလို့။ ၀ါးပိုးတွေ၊ ၀ါးနက်တွေပေါတော့ဝါးခုတ်တဲ့လုပ်ငန်းက တစ်နှစ်မှတစ်ခါ လုပ်ဖြစ်ကြပါသတဲ့။ဝါးတွေရင့်မှ၊ အရွယ်ရောက်မှခုတ်ကြ ရောင်းကြ၀ယ်ကြရတာကိုး။
ဒီရွာမှ တံဆိပ်အမျိုးမျိုးနဲ့ခေါက်ဆွဲခြောက်တွေ ရပါတယ်။ တံဆိပ်အမျိုးမျိုးနဲ့ ကော်ဖီမှုန့်တွေရပါတယ်။ ဒီရွာမှာအချိုရည်ဗူးမျိုးစုံရှိတယ်။ ဘီယာဗူးမျိုးစုံရှိတယ်။ ဆင်းကတ်အမျိုးမျိုးရှိတယ်။
ခေတ်ပေါ်သီချင်းတွေ ရှိတယ်။ ခေတ်ပေါ်အ၀တ်အစားတွေရှိတယ်။ ခရစ်ယာန်ဘာသာဝင်တွေ ရှိတယ်။ ဗုဒ္ဓဘာသာဝင်တွေရှိတယ်။ ခရစ်ယာန်စာဖြူတွေလည်း ရှိသတဲ့။အများစုက ကရင်လူမျိုးတွေနေထိုင်ပါတယ်။ ကရင်-ဗမာကပြားတွေလည်း ရှိပါတယ်။
ဘုန်းကြီးကျောင်း ရှိတယ်။ ဘုရားစေတီပုထိုးတွေ ရှိတယ်။ ဘုရားရှိခိုကျောင်း ရှိတယ်။ အထက်တန်းကျောင်း တစ်ကျောင်းရှိတယ်။ ကျေးလက်ဆေးပေးခန်း ရှိတယ်။
ရဲစခန်းမရှိဘူး။ နှစ်လုံးထီချဲထီရှိတယ်။ ရွာသူရွာသားတွေက အနေအေးကြတယ်။ ရိုးကြတယ်။ စကားပြောရင် အားရပါးရပြောကြတယ်။ ဧည့်ဝတ်ကျေပွန်ကြပါတယ်။
ဘိလိယက်ခုံလည်း ရှိတာပဲ။
ရွာလေးကိုရောက်တော့အိမ်သူရဲ့ဦးလေးက ရွာထဲလိုက်လံပြသတယ်။ ထန်းပင်ကုန်း၊ ကျောက်စရစ်ကုန်း၊ ချမ်းသာကုန်း၊ သင်္ကန်းကုန်း၊ ရွာသစ်ကုန်း စတဲ့ရွာစဉ်လေးတွေလိုက်ပြတယ်။ ၀ဲကလေးအပါအ၀င် အနီးအနားဝန်းကျင်ရွာကလေးမှာ စာကြည့်တိုက်မရှိတာပါပဲ။ ၀ဲကလေးမှာ အရင်က ကျေးရွာစာကြည့်တိုက်ကလေးရှိပါသတဲ့။ နောက်တော့မရှိတော့ဘူးတဲ့။
ထန်းပင်ကုန်းရွာ ရောက်တော့ အမျိုးအိမ်တစ်အိမ်မှာစာအုပ်စင်လေးတစ်ခု တွေ့ပါတယ်။ စာအုပ်စင်လေးပေါ်မှာဆိုင်ကယ်အပိုပစ်္စည်း အဟောင်းအမြင်းလေးတွေ တင်ထားပါတယ်။ တောင်းတွေ ပလုံးတွေ တင်ထားပါတယ်။ ဖုန်အလိမ်းလိမ်း တင်နေတဲ့ စာအုပ်စင်ကလေး လေးငါးခြောက်အုပ်ဟာ အဖွင့်အဟမရှိတဲ့ အိမ်ကလေးလို ခြောက်ကပ်မည်းညစ်လို့။
အိမ်ခံကပြောပါတယ်။ အရင်က ရွာစာကြည့်တိုက်ကလေးအဖြစ် ထားရှိခဲ့ပါသတဲ့။နောက်တော့ ဖတ်တဲ့လူလည်းမရှိတော့၊ ငှားတဲ့လူလည်း မရှိတော့။ စာအုပ်စင်လေးက ချောင်ထိုးခံထားရပြီး အ၀င်အထွက်မရှိရှာကြတော့ဘူးတဲ့။ ၀မ်းနည်းဖွယ်ရာ စာအုပ်ကလေးအချို့နဲ့ တိတ်ဆိတ်နေတဲ့စာအုပ်စင်ကလေးဟာ ဖုန်တွေတက်လို့ ပင့်ကူမျှင်တွေ ဖုံးလို့။
***
ဒီရွာလေးရောက်တော့ အပျင်းပြေဂျာနယ်ဖတ်ဖို့ ဂျာနယ်ဆိုင်လည်းမရှိ။ စာအုပ်ရောင်းတဲ့ဆိုင်လည်း မရှိ။ လက်ဖက်ရည်ဆိုင်လည်း မရှိ။ ပါလာတဲ့စာအုပ်လေးတွေပဲ ပြန်ပြန်ဖတ်နေရတာပါပဲ။
***
ကျွန်တော်တို့နိုင်ငံမှာ ၇၅ရာခိုင်နှုန်းသောသူတွေဟာကျေးလက်နေလူထုတွေပဲ ဖြစ်ပါတယ်။ ကျေးလက်နေလူထုတွေပဲ ဖြစ်ပါတယ်။ ကျေးလက်နေ ပြည်သူလူထုတွေ အသိဉဏ်ပွင့်လင်းဖို့ ကျေးလက်တွေမှာ စာကြည့်တိုက်တွေ ရှိဖို့ လိုပါတယ်။
မြို့ကြီးပြကြီးတွေမှာတော့စာကြည့်တိုက်တွေ ရှိပေမယ့်အခုလိုကျေးလက်လေးတွေမှာ စာကြည့်တိုက်မရှိတတ်ပါဘူး။ ဟော့ဒီရွာလေးကတော့နေ၀င်မီးငြိမ်းပါပဲ။ လျှပ်စစ်မီးမရှိ၊ စာကြည့်တိုက်မရှိ။ ၀ဲကလေးရွာကလေးက တခြားရွာစဉ်တွေနဲ့ ဆက်သွယ်သွားလာတဲ့နေရာမှာ အခရာကျတယ်လို့ ဆိုနိုင်ပါတယ်။
ဒီနယ် ဒီဒေသမှာ ရွေးကောက်ပွဲဝင်ပြီး နေရာရနေကြတဲ့သူတွေက လမ်းပမ်းဆက်သွယ်ရေးကောင်းအောင်တံတားလေးတစ်စင်း ထိုးပေးလိုက်ရင် အနီးတစ်ဝိုက်ရွာစဉ်ရွာဆက်တွေမှာ လမ်းပမ်းခရီးသွားလာရေး ပိုအဆင်ပြေသွားကြမှာပဲလို့ တွေးမိပါတယ်။
လမ်းပမ်းဆက်သွယ်ရေးလည်း အဆင်ပြေလာမယ်။ စာကြည့်တိုက်တွေလည်း ရှိလာမယ်ဆိုရင် ဒီဒေသလေးဟာပိုပြိး တိုးတက်လာလိမ့်မယ်လို့ယုံကြည်မိပါတယ်။
ထားတော့။
တံတားမရှိတာက လှေနဲ့သင်္ဘောနဲ့ ဆက်သွယ်လို့ရပါသေးတယ်။ ဂျာနယ်မရှိ၊ သတင်းစာမရှိ၊ စာအုပ်ဆိုင်မရှိ၊စာကြည့်တိုက်မရှိတာကတော့ဝမ်းနည်းဖွယ်ရာပါပဲ။
ဒီလိုကျေးလက်ရွာကလေးတွေမှာ စာအုပ်တွေရှိမယ်။ စာကြည့်တိုက်တွေရှိမယ်။ သတင်းစာတွေရောက်မယ်။ ဂျာနယ်တွေရောက်မယ်ဆိုရင် ပိုပြီးတိုးတက်ဖွံ့ဖြိုးလာမှာ အမှန်ပါပဲ။
အစိုးရအရာရှိတွေ အ၀င်အထွက်များတဲ့၊ လူကြီးခရီးစဉ်အမြဲတမ်းရှိတဲ့နေရာတွေမှာ စာကြည့်တိုက်တွေ ထွန်းကားတာမဟုတ်ဘဲ ဒီလိုအခေါင်အခိုက်နေရာလေးတွေမှာလည်း စာအုပ်တွေ၊ စာကြည့်တိုက်တွေထွန်းကားအောင် ဆောင်ရွက်ကြရမှာပဲ ဖြစ်ပါတယ်။
စာအုပ်မရှိတဲ့ရွာ၊ စာအုပ်မရှိတဲ့ကမ်္ဘာ မဖြစ်စေချင်ပါဘူး။စာမဖတ်တဲ့ရွာ၊ စာမဖတ်တဲ့ကမ္ဘာ မဖြစ်စေချင်ပါဘူး။
စာအုပ်မရှိတော့ စာဖတ်သူမရှိတော့။ ကျေးလက်နေလူထုတွေ စာအုပ်တွေနဲ့ ရင်းနှီးဖို့၊ ကျေးလက်နေလူထုတွေစာဖတ်ဖို့ အစိုးရကိုယ်တိုင်ဆောင်ရွက်ဖို့လိုသလို ဒေသခံလူထုနဲ့ လက်ပွန်းတတီးရှိတဲ့ဝန်ကြီးတွေ အမတ်တွေလည်းဆောင်ရွက်ဖို့ လိုပါတယ်။
စာကြည့်တိုက်တွေနဲ့ မဲဆွယ်မယ်ပေါ့လေ။
ဒီလို မဲဆွယ်တဲ့နေရာမှာတကယ့်လုပ်ပေးစေချင်တဲ့ စေတနာနဲ့၊ တကယ့်ဖြစ်စေချင်တဲ့စေတနာနဲ့သာ ဆောင်ရွက်ပေး။ အပေါ်ယံအမှတ်ယူရုံမလုပ်ဘဲ နှစ်နှစ်ကာကာဆောင်ရွက်ပေး။ စေတနာမှန်ရင် ရောင်ပြန်ဟပ်ပါလိမ့်မယ်။
ကျွန်တော်သာ ရွေးကောက်ပွဲဝင်ပြိုင်မယ့်သူဆိုရင်လေ… ဘာသာရေးမှိုင်းတွေတိုက်ပြီး မဲမဆွယ်ဘူး။ ဒံပေါက်ကျွေးပြီး မဲမဆွယ်ချင်ဘူး။ သူများကိုအပုပ်ချပြီး မဲမဆွယ်ချင်ဘူး။ ဘယ်သူသေသေ ငတေမာရင်ပြီးရောစိတ်နဲ့မဲမဆွယ်ချင်ဘူး။ မဖြစ်နိုင်တဲ့စီမံကိန်းတွေ မက်လုံးပေးပြီးမဲမဆွယ်ချင်ဘူး။
“ဆရာကြီး ဦးအောင်သင်းကတော့ တိုင်းပြည်နဲ့လူမျိုးကိုချစ်ရင် ပညာသင်ပါ။ စာဖတ်ပါ”လို့ တိုက်တွန်းသွားတာပဲ။တိုင်းပြည်နဲ့လူမျိုးအတွက် ပညာသင်မှ ဖြစ်မယ်။ စာဖတ်မှဖြစ်မယ်။ ပြည်သူလူထုအသိဉဏ်မြင့်မားပြီး စာဖတ်လာကြမှ တိုင်းပြည်က ဆင်းရဲတွင်းထဲက ရုန်းထွက်နိုင်ပါလိမ့်မယ်။
စာဖတ်တဲ့ပြည်သူ၊ စာဖတ်တဲ့လူမျိုးမှ အတွေးအခေါ်အယူအဆတွေ အထက်တန်းကျပါလိမ့်မယ်။ စာပေကရတဲ့အသိဉဏ်နဲ့ ဟီရိသြတ္တပ္ပတရားတွေ ထွန်းကားလာပါလိမ့်မယ်။
ဒါကြောင့် ပြောတာပေါ့လေ။ ကျွန်တော်သာ ရွေးကောက်ပွဲဝင်ပြိုင်ရင် စာကြည့်တိုက်တွေထောင်ပြီး မဲဆွယ်မယ်လို့။
ကျွန်တော့် အယူအဆပေါ့လေ။ ကျွန်တော်ယူဆတာ လိုအပ်ချက် ရှိကောင်းရှိနေပါလိမ့်မယ်။ ဒါပေမဲ့ သေချာတာကတော့
““စာပေမြင့်မှ လူမျိုးတင့်”ဆိုသလို စာဖတ်တဲ့ပြည်သူ၊စာဖတ်တဲ့လူမျိုး၊ စာဖတ်တဲ့နိုင်ငံမှ ရှေ့ကိုရွေ့မယ်၊ ရှေ့ကိုရောက်မယ်ဆိုတာပါပဲ။
ဆွေမြင့်စော
